Itulah nan batua, angku-angku dunsanak pandanga kini sampailah misi Islam di Minangkabau, yang sampai pada "Syarak mangato Adat mamakai" Islam mambebaskan adat berkembang silahkan bermusyawarah carilah kebenaran, ciptakanlah undang-undang susunlah peraturan dan bueklah apo sajo nan katuju asalkan indak batentangan dengan hukum Allah.
"Antum A'lamu binduniakum" kamu lebih mengetahui tentang dunia dan dunia kamu (Hadits Riwayat Muslim).
Rumusan Syarak mangato Adat mamakai lah buliah dikatokan tahap final kemudian di pertegas lagi dengan Adat basandi Syarak, Syarak basandi Kitabullah sebagai deklarasi alim ulama dan cadiak pandai nan basidang di Luhak nan Tigo pado wakatu itu pasca perang Paderi Deklarasi itu terkenal degnan Piagam Bukik Marapalam ikolah proses Islamisaasi di Minangkabau tapi alun nan tarakhir sebab kini dan sampai nanti upaya menselaraskan adat dengan syarak masih akan tatap balanjuik.
Banyak bangkalaian nan sudah, banyak nan kakuak ka timbua akibaik tunggua nan bataruah salibu nan babungo, praktek dagang gadai nan mandatangkan manfaat materi bagi nan bapiutang bukankah itu riba, upacara kematian manigo hari, maujuah hari maampek pulauh hari bansangkuikkan dengan akidah bukan kok bid'ah , maarak tabuik di Pariaman nan dihiduikkan dengan alasan pariwisata bukanlah proyek mubazir, "Al mubaziru ikhwal syaton" perbuatan mubazir adalah teman setan, sabuang ayam dimusnahkan, tapi adu kabau di Koto Baru bukan koh arena perjudian padahal perjudian di haramkan, bayak masih banyak prilaku adat nan musti di luruihkan sajajar jo hukum syarak itulah nan tabangkalai itulah PR urang Minang dari ganarasi ka ganarasi sampai tibo di sasaran akhir yaitu muslim nan Istiqamah nan konsekwen dalam manjalankan falsafah ajaran Islam. Semoga Allah meridhoi sagaalo usaha dalam merealisir Syarak mangato adat mamakai insya Allah.
Angku-angku saudaro pandanga itu sajolah nan dapek ambo sampaikan dari caramah adat balerong mudah-mudahan bamanfaat bagi kami nan manyampaikan dan baguno bagi Masyarakaiak minang pado umumnyo. Intansyuyurullah wayan syurukum wassalamui'alaikum warah matullahi wabarakatuh.
1 komentar:
" Adat basandi syarak, syarak basandi kitabullah " saya sangat setuju dengan deklarasi ulama, cadiak pandai minang dahulu ini. Namun ada beberapa adat justru bertentangan dengan Kitabullah Seperti (bundo kanduang)system Matrilinial yang di anut orang awak. ini sangat bertengan dengan syariat islam, dan banyak lagi. Contoh di pariaman (anak laki2 dibali jo kaum padusi), kadang di juanyo kabao untuak mabali lakinyo. Bah baako manuruik dusanak ?
Kamanakan dibali urang, mamak minta komisi 10% dari uang japuik, onde...mande mamak macam apo tu. sarupo itu kondisi dikampuang kini ko...
Posting Komentar