Dunsanak pandanga kini kito mandapati adat dan agama yang kokoh dan basanyawa dalam kahidupan yang didapek dek caro yang mudah bagitu sajo, dengan bim salabim jadilah adat basandi syarak indaklah baitu, indak samudah malakuik padi sacapek mambaliakan talapak tangan, untuk mancapai ka titik final malalui proses panjang nan baliku banyak rintangan dan seleksi yang di rambah oleh ulama dalam manyabarkan agama Islam, menghadapi tokoh-tokoh adat yang ortodok dengan saribu kacurigaan musti mamakai metoda nan tapek, kalau indak baitu bisa malonjak ikan di kaia umpan habiah ikan indak dapek, kaia lapeh joran patah barandam dalam aia sacaro kronologis dapek lah kito jalehkan tahap-tahap sajarah babilang abad bahkan sampai kiniko masih ado proses islamisasi dan manjalankan syariat, manyaluruh kasaluruh kahidupan.
Satidaknyo ado 7 tahap nan dilalui ;
mulai mahadapi masyarakat Minangkabau yang animistik sampai mangikih kabiasan hindu jo budha, akhianyo sampai deklarasi adat basandi syarak, syarak basandi kitabullah ;
- nan partamo sabalum islam urang minankabau indak mangenal hiduik sasudah mati saisuk, adat di buek untuk urang hiduik kok lah mati manjadi tanah indak ado aturan nan ka ma hukum, katonyo hiduik di kanduang adat mati di kanduang tanah
- nan kaduo wakatu islam diperkenalkan ka masyarakaik minangkabau anggan manarimo sabab para Da'I kurang sopan santun dalam manyampaikan dakwah, timbullah sindiran mangatokan sayrak batilanjang adat basisampiang
- nan katigo untuk mambanduang arus islam di masyarakat nan takuik rimbo nan ba binalu mako nyo pamuka adat jo cadiak pandai mambuek pambnateh nan sipadan yaitu adat basandi alua syarak basandi kitabullah
- nan ka ampek malalui pambatasan itu laju dakwah di raso lamban, mako pado itu para ulama malakukan pandakatan, syarak mandaki adat manurun
- nan kalimo usaha yang dlakukan mandatangkan hasil, sahinggo islam ditarimo dalam mambina hiduik urang minangkabau, tibo lah papatah mangatokan syarak jo adat bak aua jo tabiang sanda ba sanda kaduonyo
- nan ka anam manyadari manfaat ajaran islam mayampurnakan ajarab adat pado proses salanjuiknyo ka taraf adat badaulat ka syarak, itulah ungkapan dari syarak mangato adat mamakai
- nan tarakhir pangukuhan itu dijadikan sebagai konsep bagi orang minangkabau yaitu adat basandi syarak syarak basandi kitabullah
Dunsanak pandanga nan ambo hormati sabalum agamo hinggok mancakam di ranah minangkabau urang awak indak pernah mangatahui hiduik sasudah mati, kahidupan hanyo ado di dunia untuk itulah paraturan hanyo untuk masalah di dunia, adat dsisusun untuk urang hiduik mati manjadi tanah habih urusan, dahulu ado akhirnyo lanyap, hilang musnah antah kamano itu indak paralu dikaji di pikiakan, itulah nan dkajikanyo hiduik dikanduang adat mati dikanduang tanah disikolah masuknyo paham reinkarnasi hiduik, bahwa sasudah mati masuk nirwana namonyo sarugo kok kambali hiduik dunia bawujuik bantuak binatang hino, tapi amal-amal untuk mancapai nirwana itu indak pernah diajarkan sarupo di islam dek rumah lah nampak jalan pulang ndak tantu agamo hindu indak balaku dek urang minang, mako islam mambao kaba bahwa hiduik sasudah dunia adolah hiduik sasudah mati yaitu di akhirat, akhirat itu tampek pambalasan timbangan antaro amal nan baik jo nan buruk barek amalan baik basanang sanang di sarugo, kok babuek doso bapanggang di api narako, disampiang disuruh taat kapado Allah bpicayo ka nan gaib, dituntun caro hiduik bamasyarakat, rajin- rajin basidakah, santuni urang nan bansaiak, manolong urang dalam kasusahan, sayangi urang lain bagaimano manyayangi diri sendiri, usah mambunuh bia jo sanjato atau ilmu sihia, usah bazina, usah manyabuang, usah minum minuman kareh, judi jo minum minuman kareh marusak diri jo urang nan hiduik bakaliliang dan lain sabagainyo yang basifat amar ma'ruf nai mungkar.
Tidak ada komentar:
Posting Komentar