syarak mangato adat mamakai 17

Tapi apokah urang minangkabau manarimo sapanuh hati, alun pado hakikatnyo urang minang maiyokan di lahia inyo bataguah karano tabukak transparan nan tembak tupai ndak bakenan dihati malah kadang-kadang tibo curiga, urang batandang batamu indak tahu diri ka tuan bakato kasa ka rumah, islam maajarkan bak baraja baranang di agih tahu sabalum malakukan, sarupo ito keadaan urang minangkabau sabalum masuknyo islam. Urang awak tatap mampabasokan, tatap bapilaku babudi baiak. Namun bakabang ucapan sinis nan bakambang dalam adat minangkabau, yaitu syarak batilanjang adat basisampiang. Sacaro literlik dan sacaro pangartian kato-kato batilanjang itu bararti negatif apo lai dibandingkan dengan basisampiang yang maknanyo lai bapakaian makasuiknyo adat labiah sopan dari agamo. Apo sabab tajadi bantuak itu pasal nyo metoda dakwah yang dipakai para Da'I wakatu itu talampau transparan (tabuka) kurang mamparatikan unsur-unsur budaya nagari. Urang minangkabau menganut kultur klise, kurang manyanangi panyampaian nan blak-blakan walaupun materi permasalahannya alah tajangkau, tidak sasuai umpan jo ikan kurang bijaksana bahaso tapek nyo, sadangkan Rasulullah pun maanjurkan mamakai jalan bijaksana dalam maajak urang ka jalan kabaikan, ajaklah urang ka jalan kabaikan dengan kebijaksanaan dan baik-baik Qur'an Surat An-Nahl ayat 125.

Dakwah bajalan taruih para dai dengan gigih manyampaikan saruan Islam katangah masyarakat minang hasilnyo pun manggambirakan, dimano soaro kebenaran alah sampai ka seantero ranah minang bahkan lah masuk ka istana Pagaruryuang, di dalam pamarintahaan bundo kanduang susunan kabinetnyo alah manaruh menteri agama yaitu Tuan Kadi di Padang Gantiang sadangkan Ratu di bundo kanduang sandiri untuk mambantu tugas-tugas kanegaraannyo di bantu duo departemen; yaitu departemen adat yang taletak di Buo dan departemen agamo talatak di sumpua namun tibua juo kekhawatiran ter hadap pudanyo pusako adat lamo nan usang tatap sajo manghantui pangulu-pangulu nan ado di nagari mako di buek lah ampang-ampang jarak mambateh supayo syarak jan masuk jauh ka wilayah adat.