Syarak mangato adat memakai 20

Surau-surau nan fungsinyo sabagai asrama bagi anak bujang atau panti jompo panampuang urang gaek-gaek nan marando di manfaatkan untuk sarana pendidikan islam tampek mangaji, redaksi nan papatah manjadi sumber urang diperbaiki umpamo titian biaso lapuak janji biaso mungkia dituko titian binaso lapuak janji binaso mungkia. Lafadz biaso diganti binaso sanhingga paradoks terhadap hukum islam, bagitupun papatah nan lah batua disalamaikkan dari pamakaiannyo nan paralu saparalunyo misalnyo kamanakan barajo ka mamak buliah, mamak barajo ka pangulu ndak salah pangulu barajo ka mufakaik rancak, mufakaiak barajo ka alua jo patuik batua , alaua jo patuik barajo ka nan bana, bana badiri sandiri alun tantu sabab bana manuruik urang banyak alun tantu manuruik Allah. Kabanaran untuk kini alun tantu untuk barisuak, hasil mufakaik urang Agam di tulak urang Tanah Data, iyo kecek urang 50 indak kecek urang pasisie padohal pamasalahannyo nan dikancah itu juo.

Islam mamandang bahwa kabenaran hakikatnyo ciek dan nan ciek itu adolah Allah, kami contohkan satu kasus nan alah bana manuruik urang banyak tapi salah manuruik Allah umpamo pado suatu saat urang minang ba musyawarah dalam suatu masalah untuk mambunuh sakalian urang gilo dalam nagari di timbang mudarat jo manfaat dikaji rugi jo labo nan sakik di ubek indak cegak di uruik batambah mampayah urang banyak di pasuang berang pamarentah di lapeh manyeso urang banyak mangko basuo alua jo patuik mambasmi sagalo bala jo cilako untuk mambunuah urang gilo sacaro masal itu lah hasil mufakaik nan bana sapanjang adat namun kaputusan itu balawanan jo ajaran syarak.

Apo sabab satidak-tidak nyo ado tigo hukum nan alah talangkahan ;

1. Tindakan sarupo itu dianggap sarupo karajo biaso

2. gilo itu adalah panyakik sadangkan barubek hukumnyo wajib

3. Sadangkan mambunuah itu sendiri putuih aso mahilangkan nyawa tanpa alasan nan jaleh itu haram hukumnyo.

Falsafah islam maisi kakosongan adat, maelok nan rumpang

Kapanakan barajo ka mamak

Mamak barajo ka pangulu

Pangulu barajo ka mufakaik

Mufakaiak barajo ka alua jo patuik

Alaua jo patuik barajo ka nan bana

Bana barajo ka Allah, Allah badiri sandiri